عمال مصر نبض النضال
تعالوا سوا نفتكر
صوت المكن الداير
نبض الحنين للحياة
تعالوا نشوف
النور اللى ساطع
والفجر اللى طالع
تعالوا ننادى
بهمس روحنا
نقول م القلب كلمة
… للعمال …
صناع الأمل
بجهد أخلاقهم
شعاع النور
للطريق
سواعد عمالنا
إللى بترسم لينا الأمل
عرقهم عبير بيفوح
يملا البراح
يشفى الجراح
يهل بالنور
ف الصباح
بنبض العمال
الدنيا بتنور
بسواعدهم وبعرقكم
تدوب الأحزان
ألف تحية لقلوبكم
يا عمال مصر
لكم تحية
فى المصانع والحقول
انتم أملنا للصعود
انتم نبض الإقتصاد
انتم الركيزة للبلاد
سهم نافذ
فى ضهر الفساد
عمال مصر نبض النضال
هما الوقود للنهوض
عمال مصر رمز الصمود
كلمات شاعر العمال يوسف عبدالغفار